dinsdag, 07 maart 2017 15:17

Verslag veldtocht noar Vlieland 05-03-2017

Geschreven door Klaas Doornbos
Beoordeel dit item
(1 Stem)

klik hier voor foto`s.

Verslag veldtocht noar Vlieland.

Zo aans bekend benn wie veureg joar noar Poapendal west (goud bevaaln). Dus mor weer aanstuurt op ain volgende oetruk. Dat mos den mor noar Vlieland wezen, ain vrouwspersoon oet Nijmegen gaf les aldoar. En net aans Poapendal zol vrouw Post dat veur ons oetstukn. Nou op vreidag der strontvro oet mit vrouw Vos aant stuur en ik wos woar t laangs ging. Op Harlingen aanbeland,, boord aanmonsterd zat ain stuurman boovn ien t hok (zol wel aangoan).

Op Vlieland beland eerst mor noar t hotel ,ien koamer aanbeland stonn béren stief bie mekoar. Theo was mien biesloap (te dicht bie dus)mor gelukkeg war der ook n kooi op beun oplöst dus. Vot mor ient harnas den konn wie lös. Wie kregen aanstuuring van ain vrouw haite Meroakel of zoowat  wér ondersteunt deur wederhelft.Noa wat gehip ien t gras en wat gestroekel op t veldje noar t woater tou en ain schiere oefening op doan. (doar mouten wie hier ook mit aan loop)

Oetpoesten/onner drup/eten en dou noar de film, nait ain dei aanzegd was.Het was ain Fraanse film zol zereneus wezen mor de ploug von het ain en aal humor. Der wér n liek sleupt mit raif oet de toen(wie kwamn nait weer bie). De rest was ook aal kolder.

Annerdoags noar vuurtoren en dat wér bultwaark, en dat hemmen wie waiten ook. Doarnoa ain oetsmieder scoord ien dörp en dou noar jogo of  jojo hoho t zel mie worst wezen. Ien elks geval mosn wie mit pokkel op n mat en alles verhenneweern wat nait best boegen wol.

 

Nog eemn oetpoesten onner n dekentje en net dou wie wegdodderten wast oflopen. Weerom noar de boases  en onner drup, eten en rest van oavend veur ons zeulf. Dou nog eemn aan sjouw ,  doarnoa ofremmen veur de nacht, Theo en schriever dezes nog eemn op veziede bie gezusters en vrouw stoal.

Leste dag aalweer het mos ain nait gekooploop worren dus duurloop. ( klopt dit wel? ) Wie haarn keus vief, tien of vieftien kilometer vrouw Post dee 5 rest van t gezelschap tien. Dat weer achter bainen hebbende. onner drup goud aan en noar t Posthoes. Dat was wel end fietsen, mor wie haarn goud gang op de ket ,want elk haar het dik aan bikselerei tou. Mor weerom deur de duunen nou lekker heur aal hoge bulten en daipe doalen ik lag mit bek op stuur. t Was mien aigen idee trouwens. Wat of wie tussenstied aal doan en beproat hemn loat ik dizze rais ien t midden.Mor je kenn van mie aannemen dat wie meer aans zereneus west benn, gain onvertogen woord. En ook gain grapn en grollen aigenlieks alein mor haard lopen en lustern noar de veurvrouw.

Je mouten nait mainen dat wie alein mor vlauwekul verkopen. Staarker nog doar hemn wie hail gain tied veur had.   Dus   (wat denkn je wel van ons) Joe zeln wel denken wat is hai veuzichteg mit de tekst. Mor je waiten nait hou haard of dei vrouwluu houwen kenn. Ik stop der mit want ik heb aal te veul zegd.

Noar woarheid opmoakt te Staartenhoezen. Speulers ien dizze film ien willekeurege volgorde: vrouw Stoal gezusters Danhof vrouw HemmesVrouw Vos gezusters Taselaar/Post boas Vegter en schriever van het stukje.Twei van de doames mouken der melding van dat ik n belangriek onderdail van veldtocht vergeten was.Dat zel ik nou rechtzetten: Dou wie jojo/yogert/joga ofrond haarn ston der ain Noordzeedoek op programma. Noar t woater tou was mor ain hoanetree,  hail ploug ien veul of zowat niks om pokkel Theo kon het zunder bovnstukje of. Der was ain vuurtje aanlegd deur n hoareg tiep van t ailand,nou t woater mor ien ze gingen der ien aans vrouwlu en Je geleuven het nait mor ze kwamn der oet aans zeehonden der waarn gounend bie dei nog twei keer weerom gingen.

Groeten Klaas D.

 

Gelezen: 471 keer Laatst aangepast op zondag, 30 april 2017 08:56

1 Reactie

  • Reactielink Kor vrijdag, 28 april 2017 05:49 Geplaatst door Kor

    Volgens mij was het heel gezellig!

Log in om reacties te plaatsen

Zoeken

Buienradar

Trainingen hardlopen:

  • Dinsdagavond Eenrum van 19.15 tot 20.30 uur, alle niveaus.
    Verzamelen bij het gymnastiekgebouw aan de J.J. Willingerstraat (tegenover het sportveld)
  • Donderdagavond Uithuizen van 19.00 tot 20.30 uur, alle niveaus.
    Verzamelen bij kleedkamer 3 van VV Noordpool op het sportcomplex

Trainingen wandelen

  • Dinsdagmorgen 10.00 uur Beginnersgroep
    Verzamelen bij de parkeerplaats van de Menkemaborg, wandelen tussen de 4-7 km
  • Woensdagmorgen 10.00 uur Sportiefwandelen
    Verzamelen bij de parkeerplaats van de Menkemaborg, wandelen tussen de 9-11 km

Meer info over wandeltrainingen: Kameleon-Loopbegeleiding

www.marinouk.nl                                    www.mashibo.nl